Nakapuli na sa ila puluy-an ang lima ka persona lakip na diri ang isa ka menor edad matapos nga una gin-report nga gin-abduct sang mga armado nga grupo pasado alas-4 sang kaagahon sa Barangay 4, syudad sang Himamaylan.
Ang mga biktima amo sanday Teresita Camanso, Sherwin dela Rosa, Edilia Pacheco, ang bata sini nga si Aiza kag 16 anyus nga bata nga lalaki.
Suno kay Epe Gelle sang September 21 Movement nga biernes sang kaagahon sang gin-sulod sang mga armado ang puluy-an sang mga biktima sa diin ini sila ang ginpa-HAPA kag gin-butangan sang piring ang ila mga mata.
Pagkatapos, ini sila ang ginpasakay sa isa ka van tubtob nakalab-ot sa Mabinay, Negros Oriental.
Suno kay Gelle nga ila gina-interrogate sang mga armado ang mga biktima kag ila ginapa-ako nga katapo sang New People’s Army.
Pasado na alas-11 kahapon sang aga sang ginbuy-an ang mga biktima kag ginhatagan sang kwarta agud makapa-uli sa Himamaylan.
Samtang, ginatudlo naman sang September 21 Movement nga katapo sang militar ang nag-abduct sa lima ka mga persona.
