Gireklamo sa usa ka katabang sa panimalay ang iyang amo nga magtiayon human siya gakulatahon niini.
Sa interview sa dxCC-RMN sa 33 anyos nga katabang nga taga San Juan, Siquijor nga nagsugod ang pagpangulata kaniya sa iyang amo niadtong bulan sa Marso hangtud Oktubre 29 ning tuiga.
Dugang pa niini nga kung masipyat siya sa iyang trabaho o adunay dili matrabaho nga trabahoon, duklon ang iyang ulo, birahon ang iyang buhok, ug imumo sa tiles.
Giangkon sa katabang nga busa dili siya makatultol sa iyang mga trabaho tungod kay mataranta siya sa kaisog sa iyang mga amo.
Samtang nabilin sa iyang amo ang iyang anak nga singko anyos nga babaye.
Matud sa katabang nga tungod sa iyang kahadlok sa iyang amo hinungdan nga siya misibat ug nabiyaan ang iyang anak.
Dugang pa niini nga sa iyang ulahing update sa kahimtang sa iyang anak, anaa kini karon sa kamot sa iyang among babae.
Gusto karon sa katabang nga pasakahan og kaso ang iyang mga amo ug makuha ang iyang anak.
