GISUGDAN na sa DILG-Bukidnon ang series of orientation sa Parliamentary Procedures and Jurisprudence ngadto sa mga miyembro sa Sangguniang Panlalawigan sa probinsya sa Bukidnon,.
Gipaningkamotan sa SP, nga mapahigayon ang maong orientation bisan pa man sa gi-atubang nga hagit sa pandemya aron mahatud ang ensakto ug mas gikinahanglang serbisyo sa katawhan, pinaagi sa pagpanday sa mas epektibo ug malangkubon nga mga balaodnon.
Usa sa mga nahimong hisgutanan ang mga managlahing sanga sa pangagamhanan, ang mga importansya ingon man mga natakda nga katungdanan niini.
Gipa-ambit usab ang mga pamaagi alang sa epektibo ug malangkubon nga pagplano ug pagpanday sa lokal nga mga balaodnon nga mapahimuslan sa tanang katawhan, ug ang pagpartisipar o pagsunod niini sa mapalabang nga balaodnon sulod sa hurisdiksyon sa probinsya sa Bukidnon.
Gilaumang nga mas mahimong teknikal ang mga hisgutanan sa sunod nga orientation ni PD Libot, sama sa mga mosunod: Linking Local Legislation with other Local Governance Processes; Local Fiscal Administration; Performing Quasi-Judicial Function of the Sanggunian; Handling Administrative Investigation for Erring Barangay Officials, ug uban pa.
