Apat ang arestado sa serye sang operasyon kontra illegal drugs sang PDEA kag PNP sa North Cotabato sang tinalikdan nga adlaw.
Sa M`lang ang Cotabato Provincial Office kag M’lang Municipal Police Station ang nagpatigayon sang buy-bust operation sa Purok 2, Brgy. Bialong nga ginkaaresto sang suspek nga ginkilala kay RON CARLO DAYO Alias HAMMER, 29, single, driver, residente sang Poblacion B.
Naaresto ang suspek matapos magpasugot nga magbaligya sang sachet sang shabu sa PDEA agent kambyo P 500.00 buy-bust money.
Nakuha naman sa posisyon sang suspek ang isa pa ka sachet sang shabu nga may kabug-aton nga more or less 0.25 gram kag nagakantidad sang Php 1,700.00.
Samtang sa Kabacan, walo ka sachets sang suspected shabu ang nakumpiskar sang PDEA Cotabato Provincial Office, Kabacan MPS, 1st and 2nd CPMFC, RMFB 12 kag 90th IB PA sa implementasyon sang search warrant batok kay JOMAR DEMAAGOS MANGAKOY, 32-anyos, MILF member kag residente sang nasambit nga lugar nga namonitor sang mga utoridad sa illegal drug activity sang nagligad pa nga tuig rason nga ginbutang siya sa target-list
May kabug-aton naman nga more or less 1 gram ang nakumpiskar nga nagakantidad sa P 6,800.00. Nakuha man sa operasyon ang caliber .45 pistol with inserted magazine kag live ammo.
Sa Kindapawan City, sa magseparar nga warrant operation sang PDEA Cotabato Provincial Office kag Kidapawan City Police Station nakuha ang 5 ka small sachets sang shabu, may kabug-aton nga more or less one (1) gram sa puluy-an ni JOCENTE ARO , 29-anyos jobless kag residente sang Taran Subdivision, Brgy. Poblacion sa nasambit nga syudad. Nagakantidad naman sa P 6,800.00 ang nakuha nga shabu.
Makaligad ang pila ka oras ginpatigayon man ang operasyon sa balay ni CYRUS AUSTIEN Rabago BUTIGAN, 20-anyos, jobless sa Purok 4, Brgy. Magsaysay sa diin nakuha ang 5 ka sachets sang dried marijuana leaves, may kabug-aton nga more or less fifteen (15) grams kag nagakantidad sa P 1,800.00 .
Nagapangatubang naman ang mga suspek sa pagbayolar sa Article II sang RA 9165.
Ang operasyon ang resulta sang pagbinuligay sang PDEA, local police kag BADACs, nga nagahandom nga malimpyohan ang mga barangays sa illegal drugs.
