Davao City – Ang seryosong pagpangandam maoy usa sa nakuhang leksyon sa mapait nga nasinatian sa bagyong Yolanda.
Sumala ni Kabalikat Civicom 995 Davao City chapter head Prime Cruz, daghan ang nakalas nga kinabuhi sa maong bagyo tungod kay wala seryosoha sa katawhan ang gipagawas nga mga inpormasyon sa Amerika nga usa kini ka kuyaw nga bagyo. Matud ni Cruz, ang pagbalewala sa maong mga kasayuran miresulta sa dakong perdisyon hinungdang daghang kinabuhi ang nakalas.
Giingon ni Cruz tungod sa Yolanda nakakat-on na ug mga pagtulun-an ang katawhan sa higayong dunay nay mga pasidaan nga kabahin sa umaabot nga bagyo gilayon na silang motuman sa mga angayang pagahimoon.
Hinoon giklaro usab sa hepe sa Kabalikat Civicom 995 Davao City chapter, gikinahanglan usab niini ang makanunayong pagpasidaan pinaagi sa paghimo og mga seminars, trainings ug drills aron anaa kanunay sa panghuna-huna sa tawo ang seryosong pagpangandam.
RayoMaN Bernard Pantallon
