Davao City – Nagpatabang San Pedro PNP ang usa ka Commercial Sex Worker human gidapatan sa iyang customer alas 8:00 kagabii nahitabo sa Stone Bridge Inn nahimutang sa dalang Legaspi siyudad sa Davao.
Basi sa Blotter sa San Pedro PNP ang complainant nga Commercial Sex Worker usa ka alyas Annie, 30 anyos, nagpuyo sa Brgy. Maa ning dakbayan samtang ang suspect nga iyang customer alyas Nick, 29 anyos, residente sa Lanang ning siyudad.
Matud sa complainant kalit siyang gisumbag sa customer hinungdan maayong pagkaigo sa dughan niini samtang didto sila sa maong inn. Gipakita usab sa suspect ang usa ka .45 kalibre pistola ug iyang gitaking niadtong panahona hinungdan hilabihang hadloka sa maong biktima ug nagpakitabang sa kapulisan resulta sa pagkasikop sa suspect.
Rason sa suspect nga nasuko siya gumikan kay gihimas-himas ang iyang atubangan sa daghang tao sa nasampit nga lugar.
Kagabii naalegro na sa kapulisan ug nangayo og pasaylo ang suspect ngadto sa Commercial Sex Worker ug nibayad sa kantidad nga 2,000 ka pesos isip bayad sa pagdagmal kaniya.
RadyoMaN Don Pulayao
