Nakumpiska sa mga pulis sa Regional Drug Enforcement Unit sa pagpanguna ni Police Lt. Col. Gerardo Ulanday ang shabu nga gibana-banang nagbalor og kapin 700-mil pesos.
Kini atol sa gihimong buy bust operation batok sa usa ka drug list personality mga alas 11 kagabie sulod sa usa ka inn sa JR Borja Corner Pabayo Street ning syudad.
Suspect nailang si Michael Andamun, 24 anyos ug taga Dabatian Street, Barangay Carmen.
Napalit gikan ni Andamun ang usa ka sachet nga dunay sulod gituohang shabu bugti sa 500 pesos nga buy bust money.
Nakuha usab ang laing tulo ka dagkong sachet sa shabu nga dunay timbang nga 105 grams nga nagbalor og kapin 700-mil pesos.
Sa karon detinado na sa Maharlika Detention Cell si Andamun ug mag-atubang sa kasong paglapas sa Republic Act 9165 o Comprehensive Dangerous Drugs Act of 2002.
