Bacolod City – Bugalon ang Bacolodnon sa pagdaug sg Sharyn’s Cansi House, matapos ini ang mapilian bilang ika 32 sa 50 ka mga pinakanamit nga streetfood sa bilog nga kalibutan.
Sa 5-day event sang The World Street Food Congress (WSFC) nga ginhiwat sa Manila, ginpangpili ang 50 tanan ka mga “street food masters” sa kalibutan.
Top 4 ang Aling Lucing Sisig sa Pampanga, 7th place ang General’s Lechon sa Manila, 22nd spot ang Zeny’s Pinangat sa Bicol, kag ika 46 naman ang Dood’s Ihaw and BBQ sa Davao City.
Sa interview sang dyHB kay Nanay Delia Perez, tag-iya sang Sharyn’s nga 32 naman ka tuig nga nagaserbi sang manamit nga ‘cansi’ sa mga Negrosanon kag mga turista, matapos ini ang ginbuksan sang 1985 sa Narra Avenue, Capitol Shopping Center, Bacolod City.
Pero sang ini sila ang nag-umpisa indi bilang ‘cansi house’ kondi bilang isa ka bazaar nga nagabaligya sang mga ready-to-wear ukon RTWs.
Perfect timing man suno Nanay Delia bangud ang Sharyn’s ang ara sa ika 32nd spot sa The World Street Food Congress sa ila ika-32 anyos man sa negosyo subong nga tuig 2017.
Ang Sharyn’s ang makapaubos sang 100 kilo nga karne sang baka kada adlaw para sa ila nga ‘cansi’ business.
