ILOILO – Ginadili-an sa gihapon ang pagpanguha, pagbaligya kag pagkaon sang pakinhason ukon shellfish gikan sa kadagatan sang Isla Higantes sa banwa sang Carles, Iloilo.
Ginpahayag ni Bureau of Fisheries and Aquatic Resources ukon BFAR 6 Regional Director Remia Appari, wala pa ma-lift ang shellfish ban sa banwa sang Carles bangud base sa ila shellfish bulletin sang bulan sang Pebrero, may yara sa gihapon sang presensya sang red tide toxin sa kadagatan sang isla higantes.
Nahibaluan nga ginpatuman sang BFAR ang shellfish ban sa banwa sang Carles sang nakaligad nga Oktubre 2016 matapos magtuhaw ang red tide sa nasambit nga area.
Ginhatagan pagtamod ni Director Aparri nga wala pa madula ang red tide sa kadagatan sang Carles kabangdanan delikado pa magkaon sang mga pakinhason gikan sa nasambit nga isla.
Facebook Comments
