Roxas City, Capiz- Pilason ang isa ka persona matapos ini ang ginluthang pasado alas dos kaina sang kaaganhon sa guha sang resto bar sa Magallanes Street sakop sang Barangay III siyudad sang Roxas.
Ginkilala ang biktima kay Jorry Policarpio, 47-anyos sang Brgy Punta Tabuc, Roxas City nga nag-angkon sa dikyas nga pilas sa iya ulo. Ini ang padayon pa nga gina-obserbahan sa isa ka pribado nga ospital kag natalana nga operahan.
Suno sa inisyal nga imbestigasyon sang mga kapulisan, nagguha ang biktima sa gina-imnan nga restobar bangud nga may yara sang ginatawgan sa iya cellphone sang ini ang ginluthang sang wala pa makilala nga suspek.
Padayon pa nga gina-establisar sang mga kapulisan ang motibo sang motibo sa nasambitan nga insidente.
photo © from web
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
