Wala pay 24 oras nasulbad na sa Gingoog City Police Station and shooting incident nga nahitabo sa ilang Area of Responsibility.
Kini ang gipahibalo ni Gingoog City Police Station Acting Chief of Police Police Supt. Ariel Philip Pontillas.
Matud ni Supt. Pontillas nga mga alas 5:30 kagahapon sa hapon sa Barangay Punong, Gingoog City nahitabo ang shooting incident nga gikamatay sa usa ka Teotimo Derecho.
Nakaangkon sa daghang samad pinusilan sa lawas ang biktima nga maoy hinungdan sa iyang kamatayon.
Daling nasikop sa kapulisan sa Gingoog City ang suspek nga si Cim Guzmana.
Samtang, personal nga away ang gitumbok nga hinungdan sa maong insedente.
Facebook Comments
