Usa ang patay sa nahitabong shooting incident sa Lower Zone 8, Barangay Bulua ning syudad, kagabei
Naila ang namatay nga si Reynaldo Nulasco Dulfo, 21 anyos, ulitawo, nay kapuyo, ga-labor sa bulua fishlanding samtang samaran naila nga si Gilbert Navarro Balabat, 20 ayos.
Matud ni SPO4 Charlie Arporque sa Bulua police station, nga sa iyang pagpakighinabi sa kapuyo ni Dulfo nga si Jessamae Duco, gibutyag niini nga sa wala pa nahitabo ang insidente nakakita og away ang iyang kapuyo uban ang mga higala niini tungod sa kahubog.
Dugang pa ni SPO4 Arporque, nga dili pa nila maila kinsa gyud ang suspek sa kremin, tungod kay padayon pa ang ilang imbestigasyun sa nasangpit nga hitabo.
Samtang narecover sa crimescene sa pagpanguna ni Police Chief Inspector Gil Agpaoa, ang Hepe sa Bulua Police station ang pito ka mga empty shell sa .45 ngaa rmas ug upat ka empty shell sa 9mm.
Matud ni Chief Inspector Agpaoa, nga sa karon iyang gibahin ang iyang mga sakop alang sa dugang imbestigasyon.
Nasayran nga samtang nag-inum sa baybay ang mga biktima, adunay nag-away ug igo lamang kini nga miaparta, apan nasumbagan ang biktima nga si Reynaldo Dulfo og nabunalan usab niini og botelya ang misumbag kaniya.
Kini karon ang usa sa mga posibleng anggulo nga gitutukan sa kapolisan, sa pagpusil sa suspek ngadto sa mga biktima.
Mahinumduman nga gipusil ang mga biktima samtang natulog sulod sa panimalay sa biktima nga si Dulfo.
