General Santos City—Patay ang usa ka negusyante human nga gipusil sa wala pa mailhing suspetsado atubangan sa Kiamba, Elementary School alas 9:30 ang takna sa buntag sa nakalabayng adlaw.
Giila ang biktima nga si Jerson Espadilla, 34, negusyante residenti sa may Purok Tapon, Barangay Poblacion, Kiamba, Sarangani Province.
Subay sa inisyal nga imbistigasyon sa kapulisan nasuta nga sakay ang biktima sa iyang sakyanan apan pag abot sa maong lugar, gitaparan matud pa kini sa wala mailhing suspek sakay sa motorsiklo.
Kalit mibunlot ug pusil ang suspek dayon gipusil ang biktima pila ka higayon nga miresulta sa hinanaling kamatayon niini.
Sa karon nagpadayon ang gihimong imbistigasyon sa kapulisan kalabutan sa maong insidenti.
Facebook Comments
