South Cotabato- Patay sa pagpamusil ang usa ka vendor didto sa boundary nga bahin sa Barangay Colungulo ug Barangay Moloy , Surallah, South Cotabato alas-11:45 sa buntag kagahapong adlawa.
Giila ang biktima nga si Arnel Sagwan, namaligya ug itlog, residenti sa Sta. Ana, Zone 2A, Barangay Libertad, Surallah.
Sa inisyal nga imbistigasyon sa kapulisan nasuta nga sakay ang biktima sa iyang topdown dihang kalit kining gipusil sa mga suspek pila ka higayon gamit ang kalibre 45 nga armas.
Wala na madala sa ospital ang biktima human nga nakabsan gilayon kini sa iyang kinabuhi gumikan sa mga samad nga iyang naangkon. Paspas nga misibat ang mag suspek saw ala sayring lugar.
Sa karon ginasuta pa sa kapulisan ang motibo sa pagpamusil ug ginaila pa ang suspek sa krimen.
