Malaybalay City, Bukidnon – Bawal na ang daw shopping nga istilo sa pagpangayo ug education assistance sa Provincial Government of Bukidnon.
Sa interview sa RMN Malaybalay ngadto kang Board Member Melchor Mara-mara gibutyag niini nga gidili na ang pagpangayo ug assistance ngadto sa mga board members kung nakapangayo na sa kaubana niini.
Gipasabot niini nga dili na pwedeng nakapangayo na usa usa ka board member unya muadto pa sa lain nga board member aron mangayo ug educational assistance.
Matud ni Maramara nga kinahanglan didto sa usa lamang ka board member mangayo tungod sa hugot nga direktiba sa Commission on Audit kon COA.
Gidugang pa sa board member nga tungod sa kadaghan sa mga mangayo ug tabang, ilang bana-banaon usab ang kantidad nga ilang ihatag. o
