RMN Laoag – Nagsungbaten dagiti sumagmamano nga empleados ti gobierno ti siudad ti Laoag seknan ti show cause order nga inyatnag ti Sangguniang Panlalawigan kalpasan ti saanda a panagatendar ti namindua a daras a pannakaisayangkat ti panagdengngeg ti hunta probinsial seknan ti maipagarup a technical malversartion ti pundo ti Sangguniang Kabataan ti nadakamat a siudad.
Ti sungbatda ket naawat iti opisina ni Vice Governor Angelo Marcos Barba idi kalman, March 12 oras ti alas dos ti malem ken ti nagsungbat ken nagpirma iti nasao a surat ket da city accountant Mr. Edgar Pascual, City Treasurer Diomedes Gayban, ken Mrs. Visitacion Rabago, Administrative Assistant II.
Basar ti sungbat dagiti maseknan, saanda a nakaatendar ti nasao a panagdengngeg gapu ta nairana a makumikomda ti panagikamat ti year end report ti gobierno siudad ti laoag a nairana a deadline ti panagsubmitirda.
Immuna iti daytoy, ti hunta probinsial ti saan a nakaawat ti surat kadagiti empleados ti laoag a saan a nakaatendar ti namindua a daras a panagdengngeg, isuda koma ti makaipalawag ti panagpirma dagiti sk chairmen iti payroll ngem awan met ti naawatda a kantidad nga agdagup iti nasurok-kumurang pitopulo a ribo a pisos.
Bernard Ver, RMN News
