Davao city – Wala gipadaplin sa Davao City Council ang posibilidad nga mag-landslide ang ubang bahin sa Shrine Hills kung masinati ang pagbunok sa uwan sa dakbayan sa Dabaw.
Kini human nahisgotan atol sa regular session sa konseho ang mga liki sa ubang bahin bukid sa Shrine Hills nga pwede mahimong hinungdan sa landslide kung kusog ang uwan.
Base sa assessment, nakasinati na og pagdahili sa yuta sa nangligad nga mga katuigan ug kini nagpasabot nga dako sab ang kahigayonan nga matigayon ang landslide sa daghang lugar sa Shrine Hills.
Busa gipamugos ni 3rd District Councilor Jesus Joseph Zozobrado nga angay na gyod ihunong ang dugang kalamboan sa maong lugar aron mapugngan pa ang dugang pagdahili sa yuta sa umaabot nga panahon.
RadyoMan Joel Viray
