Si Congressman ang tig-supply! Misamis Oriental First District Representative Peter Unabia, gitudlong tig-supply sa mga manok nga ginabuhi sa mga residente sa Misamis Oriental

Si Misamis Oriental First District Representative Peter Unabia ang tig-supply sa manok sa Barangay Quezon, Gitagum, Misamis Oriental!

Kini ang gibutyag ni Henry Baygan, usa sa mga residente sa Barangay Quezon nga nag-antos sa kabaho sa iti ug kadaghan sa langaw tungod sa mga binuhing manok sa ilang lugar.

Matud ni Baygan nga nagsige lang gihapon og supply sa manok si Congressman Unabia bisan nagkagubot na ang katawhan tungod sa problemang gihatag sa pagbuhi og mga manok nga duol sa kabalayan.

Naglaom ang mga residente nga pinaagi sa dxCC-RMN Cagayan de Oro sa programang Straight to the Point-Kuskos Batikos ni RadyoMaN Zaldy Ocon masulbad ang maong problema nga halos napulo ka tuig nang gi-antos sa mga residente.