Siayan, ZDN-naghimo na ug preliminary investigation Ang National Bureau Of Investigation (NBI) batok ni Siayan Mayor Flora Villarosa kagahapong adlawa mga 2:00PM.
Kahinumduman mipasaka og kasong criminal ang NBI batok ni Mayor Flora Villarosa ug laing tulo pa ngadto sa Department of Justice (DOJ) tungod kay matud pa ang gialegar sa pagpatay ug pag sunog sa balay sa tawong nakabangi niini tungod sa away sa yuta didto sa lungsod sa Siayan, ning Zamboanga del norte.
Ang NBI nag rekomendar nga si Sila si Mayor Flora Villarosa sa lungsod sa Siayan, Ernie Lumocso, Chief Security Aide sa mayor nga si Roy Maronse Balayong ang gitudlo alang sa kasong pagpatay ug pagsunog sa balay sa biktimang si Restituto Sasuman tungod sa matud pa pagdumili pag hawa sa yuta diin natukod ang iyang balay u gang maong luna gi donar na kini sa kagamhanang lokal sa Siayan.
Ang NBI-Death Investigation Division usab ang nagkanayon nga ang maong kaso nasang-at pinasikad sa mga pamahayag gikan sa asawa ni Sasuman nga si Teodolfa, igsoon sa asawa sa biktima nga si Adricula ug ang pag umangkon niini nga si Elbert.
Matud pa sa NBI-DID nga usa ka Carlo Plasos ang misang-at sa kaso nga Forcible entry with temporary restraining order and preliminary injunction batok kang Villarosa, Proceso Benlot ug Myrna Benlot kaniadtong Peb. 13, 2012 sa maong yuta.
Diha sa reklamo nagkanayon nga si Susaman mi alegar nga sa Pebrero 2, 2012 si Villarosa uban kang Proceso ug Myrna pugos nga misulod sa iyang luna ug giguba matod pa ang iyang balay pinaagi sa usa ka heavy equipment nga gipanag-iyahan sa munisipyo.
Tungod niini si Mayor Villarosa ang hugtanong nanghimakak sa mga alegasyon batok kaniya ug seryoso usab kining motubag ug atubangon ang mga alegasyon diha sa korte aron usab malimpyohan ang iyang kaugalingon sa paglambigit kaniya sa maong hitabo.
Samtang gipaabot usab sa katawhan ang resulta sa gihimong preliminary investigation sa NBI kagahapong adlawa.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
