Patay na nga nadala sa hospital ang 33 anyos nga sidewalk vendor sa Cogon ning syudad sa Cagayan de Oro human gipusil sa wala mailang suspek.
Ang biktima mao si Faisal Buron, minyo nga taga-Yacapin Extension, Barangay 35.
Gipusil si Buron sa usa ka wala mailang lalaki nga iyang nakaaway mga alas-8:30 kagabii.
Matud sa mga nakakita nga nagtindog lamang ang biktima sa iyang pwesto nga gibaligyaan dihang miduol ang usa ka lalaki, dayon nag-ilog ang duha sa armas.
Tungod niini, natumba kini ug giambakan na usab ang maong lalaki ug niadtong higayona nabati na ang pagbuto sa armas.
Usa ka samad pinusilan sa walang dughan ang naangkon sa biktima nga maoy hinungdan sa iyang kamatayon.
Human sa insidente, gilayong misibat ang wala mailang suspek nga miresulta sa pagkabilin sa gigamit niining motorsiklo nga gikustodiya na usab karong panahona sa Cogon Police Station.
Sa karon padayon pang giila sa Cogon Police Station ang suspek ug ang motibo sa pagpusil sa biktima.
PC: RadyoMaN Jonathan Bullo
