Tubtob nalang sa Agusto 31 ang mga sidewalk vendors sa downtown Bacolod.
Ini ang resulta sang meeting sang kapin 400 ka mga vendors nga naga-occupy sang sidewalks sang dalan Araneta, Luzuriaga, Gonzaga, Gatuslao, San Juan, Locsin, Bonifacio kag Balesteros.
Suno kay Executive Assistant Ernesto Pineda nga sa Agosto 31 ang deadline nga ginhatag sang city government agud nga boluntaryo nga mag-demolish sang ila straktura kag mag-saylo sa vendors plaza.
May yara naman sang proper zoning nga ipatuman ang City Administration Office kag City Legal Office agud nga INDI mag-inagaway sang pwesto ang mga ma-displaced nga sidewalk vendors.
Sa ginpatigayon nga meeting kaupod sang mga vendors sa NGC, ginpahayag ni Mayor Bing Leonarid, “Bacolod is one of the fastest-growing cities in the Philippines today. We are expanding and soon we will have other growth areas.”
Samtang, naga-plano man ang syudad nga magpatukod sang merkado sa Barangay Alijis kag Mansilingan agud ma-cater ang mga apektado nga mga vendors.
