General Santos City— Posibleng magbutang ug signal jammer sa palibot sa oval plaza karong adlaw higayon nga adunay pagtugot gikan sa mga sevice provider.
Sumala kang Police Senior Superintendent Raul Supiter, City Director sa Gensan City Police Office nga tumong sa posibleng signal jammer mao ang mabatukan ang dautang plano sa ubang grupo.
Kini gumikan sagad matud pa sa mga Improvised Explosived Device kon IED ang cellphone activated rason nga mas maayong maniguro.
Dugang pamahayag ni PSSUPT. Supiter nga dili sa tibuok syudad ibutang ang signal jammer kundili sa palibot lang sa oval plaza partikular na magsugod sa mga dalan nga gipang-sirad-an.
Higayon matud pa nga musugot ang duha ka mga service provider, ibutang ang signal jammer karong gabii dungan sa grand opening ug sa culmination sa September 5.
Kalabot niini gibutyag ni PSSUPT. Supiter nga unsa mang mga impormasyon kalabot sa bahad sa siguridad nga ilahang madawat ang ilahang gina-seryoso.
Kini gumikan, dili matud pa mamahimo nga mag-relax lang ang kapulisan sa dakbayan hilabina nga adunay mga nahitabong pagpamomba sa ubang kasikbit nga mga lugar.
Padayon man usab ang iyahang panawagan sa katawhan nga muhatag ug kooperasyon sa pagbantay sa siguridad.
