Signal No. 2 Tag-isa sa Surigao City, Bagyong Vinta pareho ra kakusog sa Bagyong Urduja pero paspas matud sa PAG-ASA
Kusganong tagpaklaro nan hepe nan PAG-ASA Surigao del Norte Engr. Frances Semorlan na pareho ra an kakusgon nan bagyong Vinta ug bagyong Urduja sa 65 kph pero an kalainan an kapaspas sa lihok nan kasamtangang bagyo. Ini an rason kon uno na kaganinang buntag Signal Number 1 pa pero human an kapin 3 ka oras nag-Signal Number 2 na dajon.
Sumaya pa niini atoll sa tigom nan City Disaster Risk Reduction Management Council, dili karadjaw kusog an hangin pero daghan an hatud na uyan sugod kuman gabii hangtud silom buntag. Kon wayay pag-otro sa direksiyon sa bagyong Vinta westward, posible na moigo ini sa Hinatuan, Surigao del Sur na makaapekto isab sa Surigao del Norte pero kon mopaubos an direksiyon adto isab ini sa moigo sa Boston, Davao Oriental.
Awhag pa ni Engr. Semorlan sa tanan na mangandam sa posible na epekto nan bagyong Vinta diri sa ato lugar.
