Naglunsad sa signature campaign ang mga pasahero sa Barangay Bugo ug silingan nga mga barangay kontra sa No sticker No Entry Policy sa mga passenger tri-wheel sa Barangay Puerto ning syudad sa Cagayan de Oro.
Gipangayo sa mga residente sa esteng bahin ning syudad nga bawion unta ni Kapitan Ian Achas ang iyang polisiya nga naka-apekto sa mga pasahero sa Motorized sikad ug tri-cab nga mamasada sa Bugo, Aguan Puerto ug bisan sa Barangay Casinglot, Tagoloan, Misamis Oriental.
Matud ni Jaime Gayramara nga Presidente sa Bugo, motorized sikad tri-cab Association nga tungod sa No Sticker No Entry Policy ni Achas sa mga passenger tri-wheel, napirwesyo ang mga pasahero sa ilang barangay.
Gipangayo ni Gayramara sa City Council nga ilang sulbaron ang maong problema aron dili mag-away ang ilang mga pasahero ug mga driver sa ilang passengers tri-wheel sa esteng bahin sa Cagayan de Oro.
