General santos city— Gibutyag ni Gensan City Mayor Ronnel Rivera, nga ilahang hatagan ug pagpasalamat ang Mindanao State University dungan sa culmination human sa kanunay nga malampusong kalilangan.
Gikonsidera usab ni mayor rivera nga malampuson ang tanang mga aktibidad sa Kalilangan 2018 ug padayon pa ang mga aktbidad sa oval plaza bisan ug himuon na ang Culitimanation Activity dungan sa Foundation Anniversary ugmang adlawa.
Samtang sa hisgutanang siguridad, gipaniguro ni Mayor Rivera nga luwas ang dakbayan batok sa unsa mang bahad.
Sumala niya nga hilabihan ka kugihan ang kapulisan sa pagpanguna ni Police Senior Superintendent Romeo Ruel Berango uban ang Joint Task Force Gensan sa pagpanguna ni Col. Adomis Bajao kaabag ang tanang mga force multipliers sa pagbantay sa siguridad ug makita matud pa ang ilahang presensya sa bisan asang dapit sa syudad hilabina sa palibot sa oval plaza.
