General Santos City–Hugot nang gipangandaman karon sa General Santos City Police Office ang ilatag nga siguridad sa umaabot nga kapyestahan ni Sr. Sto Niño sa Barangay Bula sa umaabot nga Enero 15, 2019.
Sumala pa ni PS/Supt Raul Supiter ang City Director sa General Santos City Police Office nga aduna na silay mga nakalatag nga security plans kabahin na niini ug magpahigayon usab sila ug coordinating conference uban ang nagkandaiyang unit sa law enforcement sama sa joint taskforce Gensan, Philippine Coast Guard, Maritime Police, Philippine Navy ug ang uban pang force multiplier aron masiguro nga mamahimong luwas ang maong kapyestahan.
Samtang lauman man usab ang estrikto nga pagpatuman ug siguridad sa kapulisan lakip na ang rerouting sa mga sakyanan aron nga mahatagan ug dalan ang mga deboto nga musunod sa rebulto ni Sr. Sto Niño.(Dave Silagan)
