General Santos City—patay ang usa ka 21 anyos mga sikad driver human nga gipsil sa wala pa mailhing suspek samtang kini anaa sulod sa ilang panimalay sa Prk. Odagre, Barangay Conel Gensan alas 2:40 ang takna sa kabuntagon, Byernes, June 30, 2017.
Ang biktima nailhan nga si Nelmark Zamora Bactol, 21, sikad driver residenti sa samang lugar.
Subay sa report sa Police Station 4, naayran nga kalit misulod ang suspek pinaagi sa pagsipa sa pultahan. Gipangita sa suspek ang amahan sa biktima nga si Orlando Bactol apan wala ang nahisgutan niadtong tungura.
Didto na gipusil sa suspek ang biktima makadugang higayon sa iyang ulo ug liog nga hinungdan sa iyang hinanaling kamatayon. Paspas nga misibat ang suspek human sa insidenti. Sumala sa uyuan sa biktima nga si Efren Sanchez nga iya pang nadunggan ang tingog sa suspek dihang iyang gipangita ang amahan sa biktima.
Samtang giangkon sa amahan sa biktima nga aduna na syay gidudahang suspek sa pagpatay sa iyang anak. Posibling sya gyud ang target sa pagpamusil apan tungod wala sya sa lugar ang iyang anak ang gipahimungtan sa suspek. giangkon usab niini nga aduna syay nakalaban apan wala niini gibutyag kung kinsa nag nahisgutan.
Sa karon iya nalang gitugyan sa kapulisan ang pag imbistiga sa kasong pagpatay sa iyang anak ug sya nanghinaot nga kini mahatagan ug igong hustisya.
