Sikad driver nga gidunggab patay, walay kabikil ug problema sa ilang barangay

Wala matud pay problema ang biktimang si Philip Omarito kinsa gidunggab patay sa wala mailang suspek sa JR Borja Ext. Barangay 36 ning syudad.

Gani, dili kini gapangita og away ug wala kini malambigit sa unsa mang mga kagubot sa ilang barangay.

Kini ang gibutyag ni Barangay 31 Chairman Diosdado Wabe, kinsa nakaila usab sa maong biktima nga nagpuyo sa ilang barangay sa pipila na ka tuig.

Gani, igo lamang kini nga mihimo sa pag-drive og trisikad sa ilang dapit ilabina nga wala dinhi sa syudad ang pamilya sa biktima.

Tungod niini, gisaad ni Kapitan Wabe nga sila na ang mopahibalo sa pamilya niini aron usab nga ilang masayran ang gidangatan sa biktima.

By: RadyoMaN Ellah Baculio
PC: RadyoMaN Nitz Arancon