*Nagpadayon karon ang pagdawat sa registration alang sa ipahigayong Sikad Para sa Marawi nga usa ka fund raising campaign nga gilusad sa Police Regional Office 10 alang sa mga biktima sa kagubot sa Marawi City.*
*Tungod niini, giaghat ni PNP-10 regional director Chief Supt. Tim Pacleb ang kapolisan ug bicycle enthuasiasts sa pagsalmot sa maong kalihokan nga ipahigayon sa Agosto 19 ning tuiga.*
*Tumong sa maong kampanya nga makakuha og pundo nga itabang ngadto sa mga apektadong residente sa Marawi City.*
*Gibutyag usab ni Chief Insp. Mardy Hortillosa, ang spokesperson sa Cagayan de Oro City Police Office kon COCPO nga bukas ang maong kalihukan dili lamang sa mga pulis ug sundalo kon dili lakip na sa mga sibilyan.*
*Makadawat usab og t-shirt ang mga partisipante bugti sa registration nga 200 pesos nga maoy basehan sa ilang matunol nga tabang sa mga bakwit sa mga evacuation center sa Iligan City ug Lanao del Sur.*
