Sikop sa hiniusang pwersa sa PDEA Regional Office 10 , MISOR Provincial Office, PNP MISOR, Philippine Drug Enforcement Unit CIDG 10 ug Lugait Municipal Police Station ang usa ka retiradong pulis pinaagi sa gi implementar nga Search Warrant No. 081318-072 nga gi issue sa Executive Judge sa Branch 18, RTC sa Cagayan de Oro City.
Naila ang suspetsado nga usa ka Retired SPO4 Ruben Vilbar kinsa maoy No. 14 sa Regional Target diin gisikop kini sa iya mismong pinuy-anan sa Brgy. Poblacion, Lugait Misamis Oriental.
Nakuha gikan sa iyang possesion ang 10 ka sachets sa shabu nga gibana- banang anaa sa 50 gramos kung diin aduna kini Estimated Value nga Php 340,000.00.
Nakuha usab gikan sa suspek ang 1 unit sa Cal. 38 revolver, 1 unit Cal 45 pistol, assorted live ammo, pipila ka magazines sa Cal. 45 ug M16 rifle ug 1 ka live rifle grenade.
Matud pa sa kasaligang impormasyon, nga si Vilbar ang usa sa mga sinaligan ni Ardot Parjinog kung diin makita usab kini nga mobisita sa iyang panimalay kung asa siya naaresto.
Kasong paglapas sa RA 9165 ug sa bag-ong firearms law ang ipasaka batok sa suspetsado. (Photo credits to PDEA 10)
