Gipasigarbo ni Councilor Romeo Calizo atol sa ilang session niadtong lunes ang silver award nga nadawat sa Cagayan de Oro Anti Abuse Council kon CADAC.
Si DILG secretary Eduardo Año, nga Chairman sa National Anti Drug Abuse Council ang personal nga naghatag sa maong award ngadto ni Vice Mayor Rainer Joaquin Uy atol sa Awarding Ceremony sa Manila niadtong milabayng Disyembre.
Matud ni Councilor Romeo Calizo, Co-chairman sa CADAC nga ang “drug supply reduction” ug “drug demand reduction” sa Cagayan de Oro ang usa sa mga rason nga gihatagan sa dakong puntos sa National Anti-Drug Abuse Council kon NADAC sa ilang paghatag og silver award sa CADAC ning syudad.
“Nag-inspection ang mga membro sa national anti drug abuse council dinhi sa Cagayan de Oro, ug ilang nakita, nga mikonhod gyud ang drug supply ug drug demand dinhi sa atong syudad” matud ni Calizo.
Matud ni Calizo nga lakip sa puntos nga gihatag sa NADAC, performance rating sa CADAC tungod sa maayong coordination sa Bureaucracy sa local government Unit sa City hall.
Matud ni Calizo nga nakit-an usab sa National Anti Drug Abuse Council nga Drug Free Work Place na ang mga government offices sa Cagayan de Oro sama sa City hall ug mga barangay offices ning syudad.
“Kusog man ang atong kampanya batok sa illegal drugs, ug ato sang napakusog ang pag-rehab sa mga drug dependent , ug operation tokhang, ma-o nang nakita sa national Anti Drug Abuse council, nga maayo ang atong performance sa CADAC, mao ang naka award ta” matud ni Calizo.
