gipirmahan ni Pangulong Ferdinand Marcos Jr.
Ang Republic Act No. 11934 kon SIM Card Registration Act mao ang pinaka-unang balaod ni Pangulong Marcos Jr.
Sa interview sa RMN Malaybalay ngadto kang Engr. Vixter Abaday sa National Telecommunications Commission (NTC)-Northern Mindanao, gibutyag niini nga nagpasalamat sila nga hingpit na gyod kining balaod dungan sa pag-ingon nga dugay na unta kining mahimong balaod.
Usa matud pa kini sa epektibong pamaagi sa pag-regulate sa mga sim card nga kasagarang gigamit sa mga pangpangilad o spam ug scam messages.
Ang maong balaod maghatag sa mas kusog nga pagbatok sa paghimo sa mga iligal nga aktibidad o krimen.
Sa ilawom sa Sim Card Registration Act, obligado na ang publiko nga adunay celphone ug migamit sa sim cards nga magparehistro.
Kinsa mang dili mag-rehistro sa gitakdang panahon otomatikong ma-deactivate ang sim card.
Gimanduan usab ang mga telecommunication companies nga ipabiling confidential ang identity sa mga nanag-iya sa sim card.
Gawas nalang kung adunay kamanduan sa korte nga makuha ug ipagawas ang pangalan sa nanag-iya niini o adunay hangyo ang otoridad nga mahibal-an kini tungod sa mga insidenteng ginagamit ang sim card sa mga illegal nga binuhatan o krimen kung asa lakip sa imbestigasyon sa mga otoridad.
Matud ni Engr. Abaday nga magpagawas ang NTC ug Implementing Rules and Regulations kon IRR sa balaod ug sila usab ang mo-monitor sa mga telcos sa implementasyon niini.
