Davao City – Giabisohan karon sa City Government of Davao ang Davaoeños nga posibleng makasinati og bug-at nga dagan sa trapiko sa syudad gumikan sa ipahigayon nga simulation exercise o bomb drill karong adlawa (Marso 26, 2021).
Nasayran nga himuon ang aktibidad sa usa sa mga palengke ug bus terminal dinhi sa dakbayan, diin dili angay magpanic ang katawhan kay usa lamang kini ka exercise.
Sa drill, adunay sakyanan nga magsilbing getaway vehicle sa mga actor isip terorista diin giabisohan ang publiko nga gilayong i-report ang nahisgutan kung ilang makit-an pinaagi sa security hotline numbers.
TFD Smart: 0999 227 1111,
TFD Globe: 0917 131 4333,
DCPO Globe: 0916 659 2576, ug i-dial ang 911.
Gidasig ang publiko nga mopartisipar sa kampanya sa culture of security sa dakbayan nga “May Nakita, Dapat Magsalita”. Kini pinaagi sa pagkaresponsable sa usa ka tawo sa pagreport sa mga kadudahang butang o indibidwal sa palibot aron malikayan ang hulga sa terorismo.
RadyoMaN Kirby Manzon
