General Santos City–Nagpahigayon ug simulation exercise ang hiniusang pwersa sa GSCPO, Philippine Coast Guard, Joint Task Force Gensan ug CDRRMO sa nga gipahigayon sa Gensan Oval Plaza alas 2:00 pasado ang takna sa hapon kung sa nahimong sinaryo ang pagbusikad sa usa ka bomba.
Sumala pa ni Police Major Rexor Canoy ang tigpamaba sa General Santos City Police Office nga ginahimo matud pa nila ang maong pagbansay aron nga masayran kung unsa ka andam ang kapulisan ug ubang ahensya sa goberno sa pag respondi higayon adunay susamang insidenti.
Kini pamatuod lang matud pa nga ang kapulisan ug ang ubang ahensya sa goberno ang wala naga relax ug kanunay naga bansay aron nga pangandaman ang unsa mang emerhensya.
Human sa maong simex nagpahigayon dayon sila ug evaluation ngadto sa mga mipartisipar aron sayron kung asa sila nagkulang ug kung unsa ang gikinahanglan nila nga bag-ohon kung ugaling adunay mahitabo nga sama sa sitwasyon. (Dave Silagan)
