![OCD](https://i0.wp.com/rmn.ph/wp-content/uploads/2017/09/OCD.jpg?resize=696%2C696&ssl=1)
Dili madayunkarung adlawa, Septembre 21 ning tuiga ang gitakdang Nationwide Earthquake Drill human gideklara ni Pang. Rodrigo Duterte ang National Day of Protest subay sa ika-45 nga anibersaryo sa deklarasyon sa Martial Law.
Sigun ni April Rose Sanchez, information officer sa Office of the Civil Defense (OCD) Caraga nga nakadawat sila’g kamandoan gikan sa National Disaster Risk Reduction Management Council (NDRRMC) sa pag-suspende sa nakatakdang skedyul sa earthquake drill apan wala pa’y gibutyag nga higayun kung kanus-a kini subling ipahigayun.
Niya pa nga ika-upat ka higayun sa matag tuig himoon ang earthquake drill sa tibook nasud nga salmotan sa tanang mga buhatan sa goberno aron mapangandaman ang posibleng kusug nga pagtay-og sa linog.
Unan nang gibatikos didto sa kauluhan ang skedyul sa earthquake drill nga gidungan sa anibersaryo sa Martial Law aron sumala pa mabahin ang atensyon sa publiko, butang nga gihimakak sa mga opisyal sa Office of the Civil Defense.