Gihimo kini sa DTI-Bukidnon ang Monitoring and Enforcement Operations ngadto sa mga establishemento para masiguro nga ang mga produkto niini dili sub-standard ug luwas nga gamiton sa mga katawhan.
Nasayran nga nagmugna og mga task force ang maong buhatan karon nga nag silbing mga monitoring team diin partikular nga gisuta nila ang mukabat sa 16 ka mga establishemento nga wholesalers’ ug mga retailers’ kung nag subay ba sila basi sa mando sa balaud.
Gihingusgan ang maong operation sa implementasyon sa Republic Act No. 4109 o ang Product Standards Law, DTI’s Department Administrative Order No. 2, series of 2007.
Pipila sa mga gi-inspection mao ang mga kalidad sa sabon, ug mga presyo sa bugas lakip na niini ang mga mechanical ug construction materials.
Nasayran nga mismo si Junar B. Merla, ang OIC Chief sa DTI-Bukidnon Consumer Protection Division,ang nangulo sa maong programa para masiguro nga ang mga establishemento dinhi sa probinsya nag subay sa patas nga pagpamaligya sa ilang mga produkto nga kini mga durabli ug masaligan nga dili maka mugna ug kasakit ngadto sa mga katawhan.
