Ang biktima naila sa pangalan nga si Dindo Dayupay, 40 anyos, minyo, ug residente sa Barangay Bugcaon, Lantapan, Bukidnon nga nagmanehu sa usa ka unit sa Honda Click 125 single motor.
Samtang ang nakaparada nga Fuso Ten Wheeler Truck narehistro ngadto kang Ruben Chico sa Barangay Kiara, Don Carlos, Bukidnon ug gimanehu ni Joey Bapor, 24 anyos, ug residente sa Purok-1B, Kipaducan, Pangantucan, Bukidnon.
Sa taho sa kapulisan nasayran nga gadagan padulong sa south nga direksyon ang maong single motor, sa dihang pag-abot sa lugar, wala niini mabantayi ang nakaparada nga truck hinungdan sa pagkabangga niini.
Gumikan sa kakusog sa impak, dead-on the spot ang drayber sa single motor kinsa napaslak ngadto sa luyo nga bahin sa maong truck.
Temporaryo karong gikustodiya sa Valencia City Police Station ang drayber sa truck alang sa tokmang disposasyon.
