Di na gyud kapugngan ang #Prititit2018! Gikan sa Walk with Jesus, hangtud nga nahuman nalang ang 9-day Novena Masses halad ngadto kang Señor Sto. Niño, ngadto sa Walk with Mary, ug kaganiha nga Grand Procession—ug karon, ania na gyud ang adlaw sa kapistahan sa Balaang Bata, Señor Sto. Niño. Viva Pit Señor! Unsa man diay mga activities karong adlaw sa Dominggo, January 21—Sinulog 2018?
Matud pa sa Sinulog Foundation sa ilang web page (sinulog.ph), sugdan ang kapistahan sa Balaang Bata sa usa ka Mañanita Mass sa Basilica del Sto. Niño at 4AM. Human niini, mosunod ang Pontifical Mass nga pagabuhaton sa Basilica del Sto. Niño gihapon at 6AM. Mosunod ang Holy Mass sa Cebu City Sports Complex (CCSC) at 7AM. Inig human sa tanang misa, sugdan na ang Sinulog Grand Parade Kick Off sa CCSC sa alas-8 sa buntag. Sa alas-4 sa hapon, human sa tanang sayaw sa mga contestants, Sinulog Grand Finale na sa CCSC. Sa alas-6 sa gabii, adunay Concert sa Plaza Independencia c/o IPI. Aduna puy Pyrospectacular Show sa SM City, Cebu sa alas-7 sa gabii. Sa alas-8 sa gabii, magconcert ang Parokya ni Edgar sa Plaza Independencia courtesy of Globe Telecom. Aduna puy Pyrospectacular Show sa SM Seaside City, Cebu at 9PM.
Maong kitakits nalang mga IDOL ugma. Ayaw sipyata ang pagdala ug tubig, kalu, payong, pangtrapo sa singot, extra tshirt ug uban pang kinahanglan nimo para ugma. Ayaw pud pagdala ug daghang gamit para di ka mabug-atan. Happy Fiesta mga iDOL. Viva Pit Señor natong tanan! Mabuhi ka Sugbuanon!
