Formalmente ya entra na un Sisterhood Agreement entre el Ciudad de Zamboanga y Isabela, Basilan na un ceremonia que ya conduci este aga na City Hall.
El Areglo ya entra el dos hefe ejecutivo del dos ciudad, donde el alcaldeza Beng Climaco Salazar para na lao del govierno local de Zamboanga mientras Mayor Al-Qaid Akbar para del ciudad de Isabela,
Durante el ceremonia presenta tambien el maga elijido officiales del dos govierno local como canda Vice Maor Cesar Ituralde y Cherry Akbar y el mga Department Heads
Objeto del areglo para hace mas fuerte el relacion del dos ciudad de Isabela y Zamboanga para tiene buen conneccion y communicacion para el cambio del mga informacion y tecnolojia que tiene que hace na Urban Planning policies and development, Socio-cultural activities, income generation y Fiscal Administration.
