Davao City – Magpahigayon ugmang adlawa og re-enactment sa detalyadong nahitabo subay sa pagpangambush kang Maguindanao Assemblyman Sidik Amiril.
Sumala ni Davao City Police Office (DCPO) spokesperson PSI Ma. Teresita Gaspan, kini usa ilang buhaton samtang nagapadayon pa ang imbestigasyon sa gimugna’ng SITG-Amiril.
Segun ni Gaspan, ginahulat pa nila sa pagkakaron ang ballistic examination result aron masuta ang klase sa pusil nga gigamit sa maong insidente.
Gikumpirma usab sa tigpamaba sa DCPO nga nalambigit sa iligal nga droga si Amiril kaniadtong Hulyo 2017 diin sa gipatuman nga search warrant sa PDEA nakuhaan kini og duha ka sachet sa 10 gramos sa shabu.
Samtang nakauli na sa Maguindanao si Amiril human kini ma-discharge sa balay-tambalanan alas 5:00 sa kadlawon kagahapon’g adlawa.
Dugang ni Gaspan nga wala magpahibalo sa awtoridad ingon man sa mga imbestigador nga na-discharge na kini ug gipili niini nga dili muhatag og pamahayag atol sa nahitabong pagpangambush.
Kahinumduman nga napatay ang usa ka helper niini samtang wala naunsa ang Assemblyman ug ubang sakay sa pick-up human matud pa gi-ambush alas 2:30 sa milabay’ng adlaw nahitabo sa Corner Macupa, Chico Street, Phase 4, Cuidad Esperanza, Cabantian, Buhangin District, Davao City.
RadyoMaN Jason Amisola
