Kontrolado na ang sitwasyon sa subong sa Datu Paglas, Maguindanao, matapos nga okuparon sang grupo sang Bangsamoro Islamic Liberation Front Karialan Faction ang merkado publiko nga bahin sang nasambit nga banwa. Ini ang kumpirmasyon ni Col. John Paul Baldomar, Spokesperson sang 6ID Philippine Army. Sa subong suno kay Col. Baldomar wala pa sila sang nabaton nga report nga may napatay kag napilasan sa nasambit nga insidente. Samtang padayon naman suno sa iya ang dayalogo sang LGU Datu Paglas sa lider sang nasambit nga grupo angot sa ila nga demand. Termporaryo man suno kay Col. Baldomar nga ginsarado ang dalan sa Datu Paglas para sa kaluwasan sang mga motorista kag mga pasahero kag ginpabakwit ang mga residente sa lugar. Naghingyo naman ang pamunuan sang 6ID sa mga motorista nga intindihon kag magsunod sa instruction sang mga otoridad para sa kaluwasan.
