Sa interview sa RMN Malaybalay ngadto kang Philippine Atmospheric Geophysical Astronomical Services Administration (PAGASA)-Malaybalay Weather Forecaster Yvonne Gabalez, gibutyag niya nga kasamtangang anaa palang kita karon sa El Niño Watch.
Boot pasabot matud pa niini nga muabotay palang ang panahon sa grabeng tag-init kon El Niño phenomenon.
Posible matud pa ang El Niño Watch sa mga bulan sa Mayo, Hunyo, ug Hulyo ug masinatian ang El Niño sa bulan sa Agosto.
Mahitabo sumala pa ang El Niño kung maporma ang init nga tubig sa equator didto sa eastern Pacific, ang init nga surface sa kadagatan maoy magpainit sa atmosphere nga muresulta sa pagsaka sa moisture-rich air ug musangpot sa mga rainstorms.
Sa karon, anaa palang sumala pa ang Pilipinas sa El Niño Watch, diin aduna pay gibana-bana nga 30% tsansa nga magka El Niño Phenomenon.
