Siyam ka mga kanhi fighters ug supporters sa lokal nga grupo sa Dawlah Islamiya, missurender sa militar

36

Human ang kapin tulo ka tuig, mitahan sa ilang kaugalingon niadtong Lunes sa hapon, Oktube 7, ang tulo ka mga kanhi fighters ug supporters sa lokal nga grupo sa Dawlah Islamiya ngadto sa militar sa lungsod sa Saguiaran, Lanao del Sur.  
Usa sa tulo, menor-de-edad, nga nagpangidaron pa lamang og 13 anyos dihang nagsugod na kini’g gunit og armas aron makig-away sa puwersa sa gobyerno.  

Giila ni LtCol. Rafman Altre, commander sa 82nd Infantry Battalion, ang maong mga surrenderees nga sila si Jamil Dimasangkay, 24 anyos, Mail Tinga, 36, ug ang karon, 16 anyos na.  

Si Dimasangkay ug ang minor-de-edad nakasalmot sa nahitabong giyera sa lungsod sa Piagapo niadtong 2017, usa ka bulan sa wala pa mahitabo ang Marawi siege samtang si Tinga usa sa mga combatant sa Butig niadtong tuig 2016 nga giyera.  

Dala sa tulo ang M79 grenade launchers ug duha ka mga caliber .45 nga pistola sa ilang pag-surender.  

Buntag sa susamang adlaw, unom ka mga miyembro ug supporters sa susamang grupo ang mitahan usab ngadto sa 49th Infantry Battalion, didto sa lungsod sa Lumba Bayabao.  

Usa kanila nakasalmot atol sa giyera sa Marawi, ilawom sa liderato ni kanhi Madie Maute, usa sa mga igsoong Maute, samtang ang laing lima ka mga surrenderers, mga supporters.  
Dala sa unom ang ilang M16 rifle, KG9 sub machine gun, mga magazines ug mga bala sa ilang pag-surrender.  
Ang local government unit maoy nag-facilitate sa ilang pag-surender, matud pa ni Col. Jose Maria Cuerpo, commander sa 103rd Infantry Brigade, Philippine Army nga naka-base sa Marawi City.

Facebook Comments