Salugpungan schools gipasara sa DepEd-XI

34

Davao City – Human sa duha ka bulan nga imbestigasyon sa ad hoc committee, hingpit nang nagpagula og resolusyon ang Department of Education – Davao Region.

Kini gumikan sa migula sa imbestigasyon sa ad hoc committee nga iligal matud pa naga operate ang maong tulunghaan ug konektado sa mga rebeldeng NPA nga naga tudlo og dili mao sa mga bata sama sa nahinabi nila nga si alyas Junjun, wala nahuman og Grade 4, kinsa positibong gikumpirma ang mga alegasyon ug biktima usab sa sekswal nva pagpangabuso.


Sa gipagula nga Notice of Resolution kagahapon, Oktubre 7, ngadto kang Ma. Eugenua Nolasco, executive director sa Salugpungan Ta’ Tanu Igkanogon Community Learning Center Inc. gikan kang Evelyn Fetalvero, Assistant RD sa DepEd-XI, gimanduan ang tanang tulunghaan nga pasirad-an ug ang tanang records sa mga bata nga nagtungha kinahanglan ibalik ngadto sa ilang opisina.

Subay niini, giawhag ni DepEd-XI spokesperson Jenielito Atillo ang mga ginikanan nga dili na pasudlon ang ilang mga anak sa Salugpungan schools ug mibutyag nga dawaton kini bisan pa man katunga na sa school year.

Diin sa kasamtangan, duna nay 1000 ka mga learners ang ilang gidawat sa managlahing tulunghaan sa Comval, Davao Oriental, Davao del Norte, ug Davao City samtang duna usab duha ka mag tutudlo ang napasulod sa Rehiyon 11.

Saysay ni Atillo nga mamahimo pang muapila ang Salugpungan schools apan mubalik ra gihapon kini sa sugod nga proseso sama sa pagmugna og ad hoc nga muimbestiga sa maong kaso.

RadyoMaN Jason Amisola

Facebook Comments

From Advertisers