Gitugutan na nga makaadto sa ubang bahin sa rehiyon 10 ang siyam ka mga langyaw nga mga mag-uuma, nga mga miyembro sa Asian Peasant Coalition sa Misamis Oriental ug silingan lalawigan sa Northern Mindanao.
Kini human nga gi-hold sa kapolisan sa Misamis Oriental tungod sa walay koordinasyon niini sa mga otoridad.
Nasayran nga giadtoan sa mga nasangpit nga mga langyaw ang palm oil farmers sa hinterland barangay sa OpoL, Misamis Oriental.
Matud ni Opol Police Station Commander Senior Inspector Dennis Flores, nga bisan sa mga gipakitang dokomento sa mga langyaw, apan gipahibalo gihapon nila ang nasangpit nga bisita nga dili kini basta basta nga makasulod sa bisan asang bahin sa Mindanao kung walay igong koordinasyon sa mga otoridad.
Nasayran usab nga ang maong langyaw ang gilangkuban sa upat ka thailnader, upat ka cambodian, ug indonesian national.
By: Aiza Mishelle Enloran
