Bacolod City – Nag-resign bilang SK Chairman sang Barangay 30 si Kerwin Dejole, effective May 17, 2019.
Si Dejole ang nagpadala naman sang iya nga resignation letter sa Department of Interior and Local Governtment – DILG Bacolod kag ginpirmahan ni Punong Barangay John Mark Petierre.
Sa sulat ni Dejole, iya ginpasalamatan ang higayon nga maga-serbe bilang SK chairman apang kinahanglan niya nga mag-biya sa iya nga trabaho bangud sang naga-hulat iya nga iban nga ubra.
Suno kay DILG-Bacolod Head – Ma. Joy Marideth Madayag nga maga-bulos sa pwesto ni Dejole ang iya nga number 1 – SK Kagawad nga si Lyka Dela Pena.
Si dela Pena ang qualified nga magpungko bilang masunod nga SK Chairman sang Barangay 30 bangud nga naka-attend ini mandatory training.
Facebook Comments
