Davao City – Patay diha-diha ang usa ka 21-anyos nga lalaki human gipusil sa wala mailhing suspetsado alas-9:00 ang takna sa gabie sa Brgy. El Papa Laak, Compostela Valley Province.
Biktima naila nga si John Lyod Plasabas, 21 anyos, ulitawo, usa ka SK Councilor, residente sa nahisgutang lugar.
Sumala sa report nga nahipos gikan sa Laak Munisipal Police Station, nasayran nga nagkape sulod sa ilang panimalay ang biktima diin kalit niabot ang usa ka wala mailhing suspetsado ug nanawag sa maong biktima.
Dali kini migawas ug giablihan ang pultahan ug sa wala damha gipusil ang biktima gamit ang .45 nga pistol tumong sa ulo ug dughan hinungdan sa iyang hinanaling kamatayon.
Daling misibat ang mamumuno palayo sa nahisgutang lugar samtang padayon ang imbestigasyon sa kapulisan sa maong insidente.
RadyoMaN Juls Catisay
