BACOLOD CITY – Igapaidalum sa SK Mandatory Training sang Department of Interior and Local Government, DILG ang kapin 488 ka mga nagdalaog sa Sangguniang Kabataan Election sa syudad sang Bacolod.
Ang training patigayunon sa maabot nga Mayo 23 sa auditorium sang University of Negros Occidental-Recoletos, UNO-R.
Ginpahayag ni Ma. Mary Joy Maredith Madayag, nagapamuno sang DILG-Bacolod, tinutuyo sang training nga mapahibalo sa mga SK ang ila obligasyon kag trabaho bilang opisyal sang barangay.
Suno pa kay Madayag, obligado ang mga SK nga nag dalaog nga mag tambong sa sini nga training bangud kon mapaslawan indi sila maka pungko sa pwesto.
Ang training ang may registration fee nga 1,600 sa kada isa kag ang pondo ang sarang makuha sa SK Fund sang barangay.
Magasugod ang amo nga training las 7 sang aga tubtob las 5 sang hapon./dyHB BACOLOD
