Nahuman nga malinawon ang Sangguniang Kabataan ug Barangay Eleksyon 2018 sa dakbayan sa General Santos. Kini ang gibutyag ni City PNP Director Police Senior Supirentendent Raul Supiter.
Sumala niini nga wala silay naitalang unsa mang kasamok sulod sa 26 ka mga Barangay sa dakbayan. Gidayeg usab niini ang tanan nga mga kandidato ug bisan na ang matag supporters sa matag grupo kini tungod kay mipatigbabaw gihapon ang pagsinabtanay luyo pa sa kainit sa pulitika.
Lakip niining gipasalamatan ang tanan nga mga personahe sa kapulisan ingon man mga magtutudlo nga dako kaayug natabang sa pagpahigayon ug sa kalampusan sa Barangay ug Sangguniang Kabataan eleksyon.
Facebook Comments
