* Gipasakaan og kasong estafa ngadto sa Office of the City Prosecutor ang Slovenian national nga gipadakop sa tag-iya sa inn kung asa siya nag-check in gumikan gireklamong way bayad-bayad sa iyang accommodation. Giila ang nasangpit sa pangalang David Fifer 36 anyos nga taga Upravna Enota Maribor sa nasod Slovenia nga nag-overstay na sa GenSan. Matod sa reklamo sa tag-iya sa inn nga si Francis Denoga 45 anyos minyo og nagpuyo sa Purok 15 Barangay Lagao nga nagsugod og check-in si Fifer kaniadtong Hulyo 23 hangtud Agosto 13 kung asa niabot og 18,100 pesos ang iyang bayronon. Naabtan matod sa reklamante ang langyaw nga pasibat dala ang iyang mga gamit apan napugngan hinungdan nakapangayo og tabang sa kapolisan. Sa karon anaa sa kustodiya sa Lagao Police Station 3 si Fifer samtang nagpadala na og letter of coordination ang presinto sa kapolisan ngadto sa Bureau of Immigration aron masuta ang estado sa langyaw. * *For more info’s and updates, like and share our official facebook account : www.facebook.com/ifm91.9Gensanofficial/ <www.facebook.com/ifm91.9Gensanofficial/>*
